Azərbaycan News Agency

ABŞ Mərkəzi Komandanlığının verdiyi açıqlamada ABŞ qüvvələrinin 6 oktyabr tarixində Oman körfəzində müşahidə və hədəf müəyyənləşdirmə fəaliyyətləri həyata keçirən İranla əlaqəli qayığı məhv etdiyi qeyd olunub.

Bəyanatda qayığın məhv edilməsindən əvvəl heyət üzvlərinin təhlükəsiz şəkildə təxliyə olunduğu və onların ölkələrinə geri göndərilməsi istiqamətində işlərin aparıldığı bildirilib.

CENTCOM İran İslam İnqilabı Keşikçiləri Korpusunun son yeddi ayda bölgə sularından keçən minlərlə mülki dənizçini və ABŞ hərbi dəniz qüvvələrinə aid döyüş gəmilərini fərq qoymadan hədəf almağa davam etdiyini iddia edib.