Azərbaycan News Agency

Avstraliyanın Baş naziri Entoni Albanese Taylandın Baş naziri Anutin Çarnvirakul ilə görüş keçirib.

Albanese qlobal qeyri-müəyyənliklərin artdığı bir dövrdə sərhədlərarası əməkdaşlığın hər zamankından daha vacib olduğunu bildirərək, Tayland ilə təhlükəsizlik və rifahın gücləndirilməsi istiqamətində regional əməkdaşlığın əhəmiyyətini müzakirə etdiklərini deyib.

Görüşdə iqtisadi əlaqələrin inkişaf etdirilməsi və müdafiə ilə təhlükəsizlik sahələrində əməkdaşlığın artırılmasına yönəlmiş işlərin müzakirə olunduğunu bildirən Albanese, “Hər iki ölkənin təhlükəsizliyi və rifahı üçün davam edən regional əməkdaşlığın əhəmiyyətini qiymətləndirdik.” ifadəsini işlədib.

Avstraliya ilə Tayland arasındakı münasibətlərin gücləndirilməsi istiqamətində birgə səyləri davam etdirəcəklərini vurğulayan Albanese, “Avstraliya-Tayland münasibətlərini daha da gücləndirmək üçün birlikdə işləməyə davam etməyi səbirsizliklə gözləyirəm.” deyə bildirib.