Azərbaycan News Agency

İspaniyanın xarici işlər naziri Xose Manuel Albares İspaniya və Avropanın müxtəlif bölgələrinə təsir göstərən dağıdıcı meşə yanğınlarına qarşı beynəlxalq həmrəyliyi vurğulayaraq, yanğınsöndürmə əməliyyatlarına dəstək verən ölkələrə təşəkkür edib.

Albares bildirib ki, Avropa böhran anlarında birlik nümayiş etdirir: "Dağıdıcı meşə yanğınları İspaniyanı və Avropanın müxtəlif bölgələrini vurur. Bu çətinlik qarşısında Avropa öz birliyinin gücünü nümayiş etdirir. Biz birlikdə qorunuruq."

Albares yanğınlarla mübarizə aparan qruplara təşəkkür edərək, dəstək göstərən ölkələr arasında Türkiyə, Yunanıstan, İtaliya və Portuqaliyanın da adını çəkib və beynəlxalq həmrəyliyin əhəmiyyətini vurğulayıb.