Azərbaycan News Agency

İspaniyanın xarici işlər naziri Xose Manuel Albares Rusiyanın Ukrayna üzrə həyata keçirdiyi hava hücumları ilə bağlı açıqlama verib.

Hücumların beynəlxalq hüquq normalarına zidd olduğunu vurğulayan Albares bildirib: “Bu səhər Rusiyanın Ukraynanın müxtəlif bölgələrindəki yaşayış evlərinə və enerji infrastrukturuna qarşı hücumlarını pisləyirəm. Bunlar beynəlxalq hüququn pozulmasıdır və sülhün təmin olunması üçün tam iradə çatışmazlığını göstərir.”

İspaniyanın Ukrayna ilə həmrəylik nümayiş etdirdiyini qeyd edən nazir Albares açıqlamasını belə tamamlayıb: “İspaniya ədalətli və davamlı sülh üçün çalışır və qəbuledilməz Rusiya hücumları qarşısında Ukraynanı dəstəkləməyə və onun enerji sistemini gücləndirməyə davam edəcək.”