Azərbaycan News Agency

Kanadanın xarici işlər naziri Anita Anand regional təhlükəsizlik və ticarət yolları ilə bağlı açıqlama verib.

Anand deyib: “Getdikcə daha çox parçalanan dünyada açıq ticarət yolları və diplomatiya təhlükəsizlik və rifah üçün həyati əhəmiyyət daşıyır”.

Hörmüz və Bab əl-Məndəb boğazlarında dəniz nəqliyyatının qorunması və regional gərginliyin azaldılması istiqamətində səyləri müzakirə etdiyini bildirən Anand Oman xarici işlər naziri Badr Albusaidi ilə Kanada-Oman yol xəritəsi barədə danışdıqlarını qeyd edib.

Anand bildirib ki, həmin yol xəritəsi iki ölkə arasında əməkdaşlığın dərinləşdirilməsi üçün çərçivə yaradacaq və ortaq maraqların inkişaf etdirilməsi istiqamətində yeni imkanlar formalaşdıracaq.