Azərbaycan News Agency

Litvanın xarici işlər naziri Kestutis Budrys Rusiyanın Ukraynaya hücumları ilə bağlı açıqlama verib.

Rusiyanın Kiyevə və Ukraynanın digər şəhərlərinə son hücumlarını pisləyən Budrys Ukrayna Milli Elmlər Akademiyasının, xəstəxanaların və mülki infrastrukturun hədəfə alındığını bildirib.

Budrys Polşa-Ukrayna sərhədi yaxınlığında, beynəlxalq yardımın çatdırılması üçün kritik əhəmiyyət daşıyan marşrutlar üzərində Rusiyanın hücumlarının təhlükəli eskalasiya olduğunu bildirərək deyib: “Ukraynanı qorxutmaq və dəstəyə mane olmaq cəhdləri uğursuzluğa məhkumdur. Bunlar qətiyyətimizi zəiflətməyəcək. Ukraynanı dəstəkləməyə və Rusiyaya təzyiqi gücləndirməyə davam edəcəyik.”