Azərbaycan News Agency

Amerika Birləşmiş Ştatlarının (ABŞ) Ankaradakı səfiri və Suriya üzrə xüsusi nümayəndəsi Tom Barrak Səudiyyə Ərəbistanının paytaxtı Ər-Riyadda xarici işlər naziri şahzadə Faysal bin Fərhan ilə görüşüb.

Barrak bildirib ki, diplomatiya regional qarışıqlıq və xaotik müdaxilələr dövründə davamlı gücünü nümayiş etdirir.

Səudiyyə Ərəbistanındakı təmaslarının bu reallığı bir daha təsdiqlədiyini qeyd edən Barrak deyib: “Güclü müttəfiqlərimizlə çiyin-çiyinə dayanmaq bizə əsl tərəfdaşlığın nə demək olduğunu xatırladır.” Barrak vurğulayıb ki, Səudiyyə Ərəbistanı regional sabitlik baxımından “həyati dayaq” olaraq qalır.

Barışın ortaq dəyərlər, qarşılıqlı hörmət və əməkdaşlıq əsasında irəlilədilməli olduğunu bildirən Barrak müttəfiq ölkələrlə birlikdə hərəkət etməyin vacibliyinə diqqət çəkib.

Barrak açıqlamasını “Birlikdə yol daha aydın görünür” sözləri ilə yekunlaşdırıb.