Azərbaycan News Agency

Pakistan Baş nazirinin müavini və xarici işlər naziri Məhəmməd İshaq Dar MT Honour 25 gəmisinin qalan 3 ekipaj üzvünün təhlükəsiz şəkildə ölkələrinə qayıtmaq üçün Əddis-Əbəbədən yola düşəcəyini açıqlayıb.

Dar İmran Əli, Hüseyn Yusif və Məhəmməd Yasinin bu gün Kəraçiyə çataraq ailələri ilə yenidən bir araya gəlməsinin gözlənildiyini bildirib və deyib: “Üç ekipaj üzvümüzün bu gün təhlükəsiz şəkildə Kəraçiyə qayıtmaq və ailələri ilə yenidən bir araya gəlmək üçün yola düşəcəyini paylaşmaqdan məmnunam”.

Dar Pakistanın Əddis-Əbəbədəki səfirinin üç ekipaj üzvü ilə görüşdüyünü və qaldıqları müddətdə bütün zəruri imkan və xidmətlərin təmin olunmasına nəzarət etdiyini bildirib. O əlavə edib ki, Pakistan Xarici İşlər Nazirliyi və hökumət Baş nazir Şahbaz Şərifin rəhbərliyi ilə ekipajın təhlükəsiz geri qayıtması üçün işlər aparıb.

Dar deyib: “İnsanlarımızın təhlükəsiz qayıdışını məmnuniyyətlə qarşılayarkən, 3 pakistanlı ekipaj üzvünün həyatını itirməsindən dərin kədər hissi keçiririk. Allah onlara əbədi rahatlıq bəxş etsin və ailələrinə güc versin”.

Pakistanın dəniz quldurluğu ilə mübarizə aparmaq, dənizçilərin təhlükəsizliyini və dəniz yollarının mühafizəsini təmin etmək məqsədilə beynəlxalq tərəfdaşları ilə işləməyə sadiq olduğu bildirilib.