Azərbaycan News Agency

Dövlət naziri Əl Xulaifi Burkina Fasonun xarici işlər, regional əməkdaşlıq və xaricdə yaşayan vətəndaşlar naziri Karamoko Jan-Mari Traore, Liberiyanın xarici işlər naziri Sara Beysolow Nyanti, Nigerin xarici işlər, əməkdaşlıq və xaricdə yaşayan nigerlilər naziri Bakari Yaou Sangare, Qambiyanın xarici işlər, beynəlxalq əməkdaşlıq və xaricdə yaşayan qambiyalılar naziri Sering Modou Njie, Malinin səhiyyə və sosial inkişaf naziri Assa Badiallo Toure, Afrika İttifaqının Mali və Sahel üzrə xüsusi nümayəndəsi və Afrika İttifaqının Mali və Sahel missiyasının (MISAHEL) rəhbəri Mamadou Tangara ilə İkinci Dünya Sosial İnkişaf Sammiti çərçivəsində görüş keçirib.

Görüşdə Qətər Dövləti ilə bu beş ölkə və Afrika İttifaqı arasında konstruktiv əməkdaşlıq münasibətləri, bu münasibətlərin möhkəmləndirilməsi yolları, Sahel bölgəsindəki son hadisələr, təhlükəsizlik və sabitliyin təşviqi istiqamətində səylər və region xalqları üçün sülh və rifahın təmininə yardım edə biləcək regional əməkdaşlıq mexanizmləri müzakirə olunub.

Həmçinin, region ölkələrinin üzləşdiyi humanitar və təhlükəsizlik problemlərinin həlli və inkişafın dəstəklənməsi üçün regional və beynəlxalq səylərin əlaqələndirilməsinin vacibliyi vurğulanıb.