Azərbaycan News Agency

Fələstin Baş nazirinin Ofisi İsrail tərəfindən İordan çayının qərb sahilindəki Qusra bölgəsində elan edilən “qapalı hərbi zona” rejimi ilə bağlı açıqlama yayıb.

Açıqlamada fələstinlilərin və jurnalistlərin əraziyə girişinin qarşısının alındığı, mühasirədə olan ailələrə isə evlərini tərk etməmək barədə göstəriş verildiyi bildirildi.

Fələstin Baş nazirinin Ofisi bunun əksinə olaraq, məskunlaşan qrupların ərazi daxilində sərbəst hərəkət etdiyini və avtomobilləri ilə dolaşdığını iddia etdi.

Açıqlamada bu rejimə etiraz edilərək “fələstinlilər üçün bir qayda, məskunlaşanlar üçün başqa qayda” ifadəsi işlədildi və vəziyyət “aparteid” kimi xarakterizə olundu.