Azərbaycan News Agency

Birləşmiş Millətlər Təşkilatının (BMT) Humanitar Məsələlər və Fövqəladə Hallar üzrə Koordinatoru Tom Fletcher Myanmarın Rakhine ştatında həyata keçirilən hava hücumu ilə bağlı açıqlama verib.

Fletcher sosial media hesabında paylaşdığı açıqlamada Kyauktaw şəhərindəki bazara endirilən hava zərbəsi nəticəsində onlarla insanın öldüyü və yaralandığı barədə məlumatların olduğunu bildirib.

Hücumla bağlı məlumatları “dəhşətli” adlandıran Fletcher mülki şəxslərin qorunmasının və beynəlxalq humanitar hüquqa riayət edilməsinin vacibliyini vurğulayıb.

Fletcher həmçinin humanitar yardım işçilərinin təhlükəyə baxmayaraq bölgədə qalmağa və yardım çatdırmağa davam etdiyini bildirib.