Azərbaycan News Agency

İsrail Müdafiə Qüvvələri (IDF) Şin Betin istiqamətləndirməsi ilə Qəzza şəhəri bölgəsinə endirilən hava zərbəsi nəticəsində 7 oktyabr hücumunda iştirak etdiyi bildirilən HƏMAS komandiri Camal Mahmud Əbu Kamilin zərərsizləşdirildiyini açıqlayıb.

IDF-in açıqlamasında Əbu Kamilin 7 oktyabrda İsrail ərazisinə hücumda iştirak edən HƏMAS üzvlərindən biri olduğu və müharibə boyunca İsrail əsgərləri və vətəndaşlarına qarşı hücum planlarını davam etdirdiyi iddia olunub.

Açıqlamaya görə, əməliyyat Şin Betin kəşfiyyat məlumatları əsasında IDF tərəfindən həyata keçirilib. Əbu Kamilin hava zərbəsi ilə zərərsizləşdirildiyi bildirilib.

IDF Cənub Komandanlığına tabe qüvvələrin razılaşmaya uyğun olaraq bölgədə yerləşməsini davam etdirdiyini və “bütün təcili təhdidləri aradan qaldırmaq” məqsədilə fəaliyyətlərini davam etdirəcəyini açıqlayıb.