Azərbaycan News Agency

İsrail ordusunun açıqlamasında hücumun gecə saatlarında, İsrail qüvvələrinin atəşkəs razılaşması çərçivəsində fəaliyyət göstərdiyi təhlükəsizlik bölgəsində Hizbullah tərəfindən həyata keçirildiyi iddia olunan əmələ cavab olaraq təşkil edildiyi bildirilib. Sözügedən mərkəzin Hizbullahın bölgədəki fəaliyyətlərini idarə etmək üçün istifadə edildiyi iddia olunub.

Hücumda Rıdvan Qüvvələrinin tərkibində batalyon komandiri olduğu bildirilən Əli Samir əl-Həcc Həsənlə birlikdə, İsrail qüvvələrinə qarşı terror aktları hazırladıqları iddia olunan bir sıra Hizbullah üzvlərinin də öldürüldüyü qeyd edilib.

Açıqlamada hücum zamanı Həsənin ailəsinin də komanda mərkəzində olduğu və hücum nəticəsində zərər çəkdiyi iddia edilib. Ailənin hücumun hədəfi olmadığı vurğulanarkən, Həsənin ailəsini canlı qalxan kimi istifadə etdiyi və hərbi mərkəzin içərisində onlarla birlikdə gizləndiyi iddia olunub.

İsrail ordusu Hizbullahın İsrail vətəndaşlarına və İsrail qüvvələrinə təhdid yaratmasına imkan verməyəcəyini və təhdidləri aradan qaldırmaq məqsədilə fəaliyyətlərini davam etdirəcəyini bildirib.