Azərbaycan News Agency

Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaja Kallas genişlənmənin Avropanın dünyadakı təsirini gücləndirdiyini və bunun son illərin ən uğurlu xarici siyasət vasitələrindən biri olduğunu bildirib.

Kallas Avropa Komissiyasının yeni təkliflərinin İttifaqa qoşulmaq istəyən ölkələrin mərhələli inteqrasiyası üçün aydın addımları, geriləmənin qarşısını almağa yönəlmiş təminatları və Avropa İttifaqı institutlarının uyğunlaşdırılmasını nəzərdə tutduğunu bildirib.

Mövcud geosiyasi şəraitin daha sürətli hərəkət etməyi tələb etdiyini vurğulayan Kallas irəliləyiş əldə edən ölkələrin gözlədilməsinin qeyri-sabitliyin yaranmasına zəmin yaratdığını ifadə edib.