Azərbaycan News Agency

İsrailin müdafiə naziri İsrael Kats keçmiş Baş Qərargah rəisi və siyasətçi Qadi Ayzenkotun çıxışına münasibət bildirərək, onun İsrail ordusunun yüksəkvəzifəli rəsmilərinə Baş nazirin və səlahiyyətli təhlükəsizlik qurumlarının göstərişlərinə əməl etməmək çağırışını tənqid etdi.

Ayzenkotun çıxışını “siyasi ənənədə vaxtından əvvəl mahnı oxuyanların, bəyanatlar verənlərin və özlərini taclandıranların ənənəsini əks etdirən utancverici çıxış” kimi qiymətləndirən Kats xüsusilə ordu rəsmilərinə yönəlmiş çağırışın qəbuledilməz olduğunu bildirdi. Kats dedi: “Onun, özündən dəstək aldıqlarını söyləyərək, Baş nazirin, mənim və səlahiyyətli təhlükəsizlik qurumlarının göstərişlərinə əməl etməməyə çağırması qeyri-demokratik və reallıqdan uzaq bir açıqlamadır.”

Kats Ayzenkotun və onun siyasi çevrəsinin İran məsələsində hərbi və siyasi rəhbərlik arasında fikir ayrılıqlarının olması ilə bağlı iddialarını da tənqid edərək bunları “seçki dövründə aparılan yanlış kampaniyanın davamı” kimi qiymətləndirdi.

Kats İsrail ordusunun İrana qarşı əldə edilən nəticələrdə tam şəkildə iştirak etdiyini və hazırkı prosesdə də bütün müzakirələrə qatıldığını bildirərək, ordunun zəruri hesab edilən hər bir qərarı həyata keçirəcəyini ifadə etdi.