Azərbaycan News Agency

Avropa İttifaqı (Aİ) Şurasının Prezidenti Antonio Kosta Ukraynada ədalətli və davamlı sülhün təmin olunması istiqamətində görülən işlər, ölkənin gələcəyi və uzunmüddətli bərpa strategiyaları barədə açıqlama verib.

Aİ-nin Kiyevə sadiqliyini vurğulayan Kosta deyib: "Ukraynaya dəstəyimiz ardıcıl və sarsılmazdır; biz ədalətli və davamlı sülhə nail olunmasına kömək etmək üçün çalışırıq."

Gələcək planlarına diqqət çəkən Kosta bildirib: "Ukraynanın gələcəyini indidən hazırlayırıq."

Kosta müharibədən sonrakı struktur dəyişikliklərinə işarə edərək sözlərini belə yekunlaşdırıb: "Yenidənqurma təkcə dağıntıları aradan qaldırmaq deyil, daha yaxşı Ukrayna qurmaq deməkdir."