Azərbaycan News Agency

Avropa Komissiyasının sədri Ursula fon der Leyen Ümumdünya Mətbuat Azadlığı Günü münasibətilə açıqlama verib.

Fon der Leyen bildirib ki, mətbuat azadlığı demokratiyanın əsas sütunlarından biridir və Avropa İttifaqı müstəqil və etibarlı informasiyaya çıxış hüququnu qoruyur.

Açıqlamada vurğulanıb ki, Avropa Media Azadlığı Qanunu jurnalistlərin və onların mənbələrinin qorunmasına töhfə verir, redaksiya müstəqilliyini gücləndirir və media qurumlarını müdaxilə və hüquqi təzyiqlərə qarşı dəstəkləyir.

Fon der Leyen əlavə edib ki, jurnalistlərin təzyiq, təhdid və zərər riski olmadan vəzifələrini yerinə yetirmələri üçün dəstək davam etdiriləcək.