Azərbaycan News Agency

Fransa Prezidenti Emmanuel Makron Səudiyyə Ərəbistanının vəliəhdi Məhəmməd bin Salmanın Fransaya səfəri ilə bağlı açıqlama verib.

Səfərin diplomatik əhəmiyyətini vurğulayan Makron deyib: “Səudiyyə Ərəbistanının vəliəhdi Məhəmməd bin Salmanın Fransaya səfəri mühüm mərhələdir. Regionun çağırışları qarşısında Fransa və Səudiyyə Ərəbistanı sülh və sabitliyin təşviqi üçün hər zaman birlikdə çalışıb və bu məsələ ilə bağlı məsləhətləşmələrini davam etdirəcək.”

İki ölkə arasındakı konkret layihələrə və iqtisadi əməkdaşlığa toxunan Makron bildirib: “Tərəfdaşlığımız həm də fəaliyyətə əsaslanır: böyük layihələr, ən son texnologiyalar, investisiyalar və Parisdə keçirilən Avropa Dünya Konqresi kimi beynəlxalq tədbirlər.”

Makron açıqlamasını bu sözlərlə tamamlayıb: “Birlikdə çox şeyə nail olmuşuq. Daha da irəli gedə bilərik.”