Azərbaycan News Agency

Fransa Prezidenti Makron G7 liderlərinin dünyadakı enerji vəziyyətini müzakirə etmək üçün bir araya gəldiyini bildirib.

Makron sosial media hesabında verdiyi açıqlamada liderlərin koordinasiyalı şəkildə işləmək barədə qərar qəbul etdiklərini qeyd edərək, bu tədbirlərin neft məhsullarının, xüsusilə dizel yanacağının qiymətlərinin aşağı salınmasına töhfə verəcəyini bildirib.

Qəbul edilən qərarlar çərçivəsində neft emalı zavodlarının gücünü maksimum səviyyəyə çatdırmaq məqsədilə istehsalın çevikləşdirilməsi, Beynəlxalq Enerji Agentliyinin koordinasiyası ilə tərəfdaşlarla birlikdə 4 ay ərzində 100 milyon barelə qədər strateji ehtiyatın sərbəst buraxılması və tərəfdaş ölkələr arasında enerji və neft məhsulları ticarətini məhdudlaşdıran hər hansı tədbirin görülməməsi qərara alınıb.

Makron açıqlamasında G7 bəyanatına da yer verib.