Azərbaycan News Agency

Şimali Makedoniyanın xarici işlər naziri Timco Mucunski ABŞ-a işgüzar səfəri çərçivəsində Nyu-Cersidə makedon diasporasının nümayəndələri ilə görüşüb.

Mucunski sosial media hesabındakı paylaşımında Baş nazir Hristijan Mickoskinin rəhbərlik etdiyi nümayəndə heyəti ilə birlikdə Nyu-Cersidəki Müqəddəs Kiril və Metodi kilsəsində keçirilən mərasimdə iştirak etdiyini bildirib.

Mucunski görüşdə makedon diasporası ilə ölkə arasındakı əlaqələrin gücləndirilməsi, makedon dilinin, mədəniyyətinin və kimliyinin tanıdılması, eləcə də diasporanın iqtisadi inkişaf, investisiyalar və ortaq maraq sahələrindəki təşəbbüslərə daha fəal cəlb olunması məsələlərinin müzakirə edildiyini bildirərək, diasporanın ABŞ ilə münasibətlərdə mühüm körpü olduğunu qeyd edib.

Mucunski hökumətin diasporanın potensialını ölkənin institutları, iqtisadiyyatı və inkişafı ilə daha güclü şəkildə əlaqələndirməyi hədəflədiyini bildirib.