Azərbaycan News Agency

Şimali Makedoniyanın xarici işlər və xarici ticarət naziri Timço Mucunski Dünya İqtisadi Forumunun Dubayda təşkil etdiyi Gələcəyin Qlobal Liderləri Toplantısı çərçivəsində keçirilən "Dəyişən dünyada ticarət" adlı sessiyada çıxış edib.

Mucunski açıqlamasında açıqlıq və təhlükəsizliyin bir-birinə zidd məqsədlər olmadığını vurğulayaraq, dayanıqlılığın özünü xarici dünyadan təcrid etmək mənasına gəlməməli olduğunu bildirib.

Kiçik iqtisadiyyatların rəqabət qabiliyyətinin etibarlı, proqnozlaşdırıla bilən və güclü əlaqələrə malik olmalarından asılı olduğunu qeyd edən Mucunski bu amillərin ticarət əlaqələrinin inkişafındakı əhəmiyyətinə diqqət çəkib.

Mucunski həmçinin 8 və 10 nömrəli nəqliyyat dəhlizlərinin strateji əhəmiyyətini, enerji mənbələrinin şaxələndirilməsini və infrastruktur əlaqələrinin gücləndirilməsini gündəmə gətirib.