Azərbaycan News Agency

Macarıstanın Baş naziri Orban Davosda verdiyi açıqlamada Ukrayna Prezidenti Zelenskinin həddi aşdığını bildirib. Orban deyib: «Seçkilər yaxınlaşdıqca Macarıstan hökumətinin və şəxsən mənim hədəfə alınmağım yeni deyil. Lakin təəccüblü olan odur ki, o, çıxışında digər bütün Avropa liderlərini də tənqid etdi. Zelenski Avropanın Ukraynaya göndərdiyi dəstəyin kifayət etmədiyini, silahların yetərsiz olduğunu və Avropanın qətiyyətinin çatmadığını deyir».

Orban qeyd edib ki, Brüssel bu tələblərə sürətlə cavab verib və hamısı qəbul edilib: Ukrayna üçün 800 milyard dollarlıq büdcə, 2027-ci ilə qədər sürətləndirilmiş Avropa İttifaqına (Aİ) üzvlük və 2040-cı ilə qədər davamlı dəstək.

Baş nazir Orban bildirib ki, bu vəziyyət qarşısında Macarıstan Brüsselə aydın mesaj göndərmək üçün milli imza kampaniyasına başlayacaq: “Biz ödəməyəcəyik.”