Azərbaycan News Agency

Pakistan Baş nazirinin müavini və xarici işlər naziri, senator Məhəmməd İshaq Dar bu gün Azad Cammu və Kəşmirin (AJK) Baş naziri ilə görüş keçirib.

Pakistan Xarici İşlər Nazirliyinin açıqlamasına görə, görüşdə AJK-nin inkişafı, iqtisadi artımın dəstəklənməsi və sosial tərəqqinin təmin edilməsi üçün davamlı fəaliyyətin əhəmiyyəti müzakirə olunub.

İki lider bölgənin inkişaf ehtiyaclarının qarşılanması və əhali üçün yeni imkanların yaradılması məqsədilə birgə yanaşmanın qəbul edilməsinin vacibliyini vurğulayıb. Dar formalaşdırılacaq yeni AJK hökumətinin bölgə əhalisinin gözləntilərini qarşılayacağına ümid etdiyini bildirib.

Dar həmçinin Pakistan hökumətinin AJK əhalisinin ehtiyac və gözləntilərinə uyğun olaraq onların rifahını və inkişafını dəstəkləmək əzmini bir daha təsdiqləyib.