Azərbaycan News Agency

Pakistan Baş nazirinin müavini və xarici işlər naziri senator Mohammad Ishaq Dar səlahiyyət müddəti başa çatan Azərbaycanın Pakistandakı səfiri Xəzər Fərhadovu vida görüşü çərçivəsində qəbul edib.

Görüşdə Pakistanla Azərbaycan arasında qardaşlıq münasibətlərinin inkişaf etdirilməsi və iki ölkə arasındakı əməkdaşlığın gücləndirilməsi müzakirə olunub.

Pakistan Xarici İşlər Nazirliyinin açıqlamasına görə, İshaq Dar səfir Fərhadovun fəaliyyəti dövründə Pakistan-Azərbaycan münasibətlərinin daha da inkişaf etdirilməsinə verdiyi töhfələri yüksək qiymətləndirib.

Dar Fərhadova gələcək fəaliyyətində uğurlar arzulayaraq Azərbaycan Prezidenti İlham Əliyevə və xarici işlər naziri Ceyhun Bayramova ən xoş arzularını və şəxsi salamlarını çatdırıb.

Azərbaycanın səfiri Xəzər Fərhadov isə fəaliyyəti dövründə ona göstərilən dəstəyə görə İshaq Dara təşəkkür edib.

Fərhadov həmçinin Pakistanın regionda davamlı sülhün təmin olunması istiqamətində səylərini yüksək qiymətləndirdiyini bildirib.