Azərbaycan News Agency

Pakistan Baş nazirinin müavini və xarici işlər naziri Mohammad Ishaq Dar Birləşmiş Millətlər Təşkilatının Baş Assambleyasının 81-ci sessiyası çərçivəsində Nyu-Yorkda Cənubi Koreyanın xarici işlər naziri Cho Hyun ilə görüşüb.

Pakistan Xarici İşlər Nazirliyinin açıqlamasında bildirilib ki, görüşdə ikitərəfli münasibətlər nəzərdən keçirilib və xüsusilə ticarət, investisiya və iqtisadi əlaqələr başda olmaqla əməkdaşlığın daha da gücləndirilməsinə dair fikir mübadiləsi aparılıb.

Dar yeni imkanların üzə çıxarılması üçün “işgüzar dairələr arasında qarşılıqlı əlaqənin artırılmasının” vacibliyini vurğulayıb.

Cənubi Koreyanın xarici işlər naziri Cho Hyun isə Pakistanın regional məsələlərin həllində dialoq və diplomatiyanın təşviqinə yönəlmiş konstruktiv rolunu yüksək qiymətləndirib.

İki nazir həmçinin çoxtərəfli sistemin əhəmiyyətinə diqqət çəkərək, qarşılıqlı maraq doğuran məsələlərdə BMT və digər çoxtərəfli platformalarda birlikdə işləmək öhdəliklərini bir daha təsdiqləyiblər.