Azərbaycan News Agency

Pakistan Xarici İşlər Nazirliyi yaydığı açıqlamada Səudiyyə Ərəbistanının Pakistana yeni təyin olunmuş səfiri Raceh Tami Əlbuqaminin İslamabadda Pakistan Baş nazirinin müavini və xarici işlər naziri Məhəmməd İshaq Dar ilə görüşdüyünü bildirib.

Görüş zamanı Dar Pakistan və Səudiyyə Ərəbistanı arasında mövcud olan köklü qardaşlıq əlaqələrinə və strateji tərəfdaşlığa diqqət çəkərək, qarşılıqlı inkişaf və rifah naminə ikitərəfli əməkdaşlığı daha da gücləndirmək əzmində olduqlarını bir daha təsdiqləyib.

Açıqlamada Əlbuqaminin Səudiyyə Ərəbistanı rəhbərliyinin salamlarını Pakistan rəhbərliyinə və xalqına çatdırdığı bildirilib. Dar isə Kral Salman bin Əbdüləziz Al Səuda, Vəliəhd şahzadə və Baş nazir Məhəmməd bin Salman bin Əbdüləziz Al Səuda, həmçinin Səudiyyə Ərəbistanının rəhbərliyinə və xalqına salamlarını və ən xoş arzularını çatdırıb.