Azərbaycan News Agency

Pakistanın baş nazirinin müavini və xarici işlər naziri senator Məhəmməd İshaq Dar Qırğızıstan prezidenti Sadir Caparovla görüş keçirdi.

Dar Caparovu və onu müşayiət edən nümayəndə heyətini Pakistanda qəbul etməkdən məmnunluğunu bildirib və ona Pakistan prezidenti Asif Əli Zərdari və baş nazir Mühəmməd Şahbaz Şərifin salamlarını çatdırıb.

Görüşdə Dar Pakistanın Qırğızıstanla münasibətləri qarşılıqlı maraq əsasında bütün sahələrdə gücləndirmək əzmini ən yüksək siyasi səviyyədə bir daha təsdiqləyib.

Xarici işlər naziri Dar həmçinin prezident Caparova Pakistan rəhbərliyi ilə planlaşdırılan təmaslar, hər iki ölkənin işgüzar dairələri ilə əməkdaşlıq və geniş ikitərəfli əməkdaşlığı irəli aparmağı hədəfləyən danışıqlar barədə məlumat verib.