Azərbaycan News Agency

Peskov jurnalistlərə açıqlamasında belə deyib: "Livandakı yaşayış bölgələrinin bu cür fərq qoyulmadan bombalanması çoxlu insan tələfatına səbəb olur. Qaçılmaz olaraq bu, Qəzzədə gördüyümüz kimi humanitar fəlakətə gətirib çıxaracaq. Bu nəticələr bizi biganə qoya bilməz və yalnız dərin narahatlığımıza səbəb ola bilər."

Ötən həftədən bəri İsrail Hərbi Hava Qüvvələri Livanın müxtəlif bölgələrindəki Şiə Hizbullah hədəflərinə qarşı genişmiqyaslı hücumlar həyata keçirir. Beyrutda da bir neçə dəqiq zərbə qeydə alınıb və Hizbullahın yüksək səviyyəli komandirləri, eləcə də hərəkatın baş katibi Həsən Nəsrullah öldürülüb.