Azərbaycan News Agency

Qətər Xarici İşlər Nazirliyinin rəsmi açıqlamasına görə, Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Al Tani İranın xarici işlər naziri Abbas Əraqçi ilə telefon danışığı aparıb.

Açıqlamada qeyd olunub ki, danışıq zamanı regional sülhün, təhlükəsizliyin və sabitliyin gücləndirilməsi istiqamətində səylər müzakirə edilib.

Danışıq zamanı həmçinin Hörmüz boğazında naviqasiya azadlığının qorunmasının vacibliyi vurğulanıb və boğazın bağlanmasının və ya təzyiq vasitəsi kimi istifadə edilməsinin regional maraqları təhlükə altına qoya biləcəyi bildirilib.