Azərbaycan News Agency

Qətərin xarici işlər üzrə dövlət naziri Dr. Məhəmməd bin Əbdüləziz Əl-Xüleyfi Çin hökumətinin Yaxın Şərq üzrə xüsusi nümayəndəsi Cay Cün ilə telefon danışığı aparıb. Qətər Xarici İşlər Nazirliyinin açıqlamasına görə, danışıq zamanı iki ölkə arasında əməkdaşlıq əlaqələri və bu əlaqələrin inkişaf etdirilməsi istiqamətində atılacaq addımlar nəzərdən keçirilib.

Danışıq zamanı, həmçinin regionda baş verən son hadisələr, gərginliyin azaldılması, regional təhlükəsizliyin və sabitliyin gücləndirilməsinə yönəlmiş diplomatik səylər müzakirə olunub.

Qətərin xarici işlər üzrə dövlət naziri Dr. Məhəmməd bin Əbdüləziz Əl-Xüleyfi dəniz nəqliyyatının sərbəstliyini təmin edəcək və regionda davamlı sülhün bərqərar olmasına şərait yaradacaq hərtərəfli sazişə zəmin hazırlayan diplomatik təşəbbüslərə Qətərin dəstəyini bir daha təsdiqləyib.