Azərbaycan News Agency

İsrailin xarici işlər naziri Gideon Saar Ukraynanın Müstəqillik Günü münasibətilə açıqlama verib.

Saar Ukrayna Prezidenti Volodimir Zelenskini, xarici işlər naziri Andrii Sybihanı və Ukrayna xalqını təbrik edərək, Ukrayna xalqının dözümlülüyünü, azadlıq və müstəqilliyə sarsılmaz bağlılığını vurğulayıb.

Bu ilin İsrail ilə Ukrayna arasında diplomatik münasibətlərin qurulmasının 35-ci ildönümünə təsadüf etməsi səbəbindən xüsusi əhəmiyyət daşıdığını bildirən Saar, iki ölkənin illər ərzində qarşılıqlı hörmətə, ortaq dəyərlərə və xalqlar arasında sıx əlaqələrə əsaslanan güclü tərəfdaşlıq qurduğunu qeyd edib.

Saar davam edən müharibənin Ukraynanın üzləşdiyi çətinlikləri daha da dərinləşdirdiyini bildirərək, qarşıdakı ilin Ukraynaya və onun xalqına təhlükəsizlik, rifah və davamlı sülh gətirməsini arzulayıb.