Azərbaycan News Agency

İspaniyanın Baş naziri Pedro Sançes Beynəlxalq Homofobiya, Transfobiya və Bifobiya ilə Mübarizə Günü münasibətilə etdiyi açıqlamada “Hüquqlar müzakirə mövzusu deyil” deyərək bərabərlik və azadlıq vurğusu edib.

Sançes paylaşımında azadlıq, müxtəliflik və bərabərliyi vurğulayaraq, “Bu gün biz azad, müxtəlif və bununla qürur duyan bir İspaniyaya olan bağlılığımızı bir daha təsdiqləyirik” ifadələrini işlədib.

Bərabərlik prinsipinin müzakirəyə açıq olmadığını bildirən Baş nazir Sançes, “Bərabərlik mübahisə mövzusu deyil. Və nifrət heç vaxt ölkəmizin gələcəyini müəyyən etməyəcək” deyib.

İspaniyanın ictimai müxtəlifliklə gücləndiyini ifadə edən Sançes, “İspaniya heç kimin kim olduğunu gizlətmək məcburiyyətində qalmadığı zaman inkişaf edir” sözlərini işlədib.