Azərbaycan News Agency

İspaniyanın Baş naziri Pedro Sançes ölkədə baş verən meşə yanğınları ilə bağlı açıqlama verib.

Sançes bildirib ki, yanğınlarla mübarizədə bütün qurumlar koordinasiya və komanda ruhu ilə çalışır, yeganə prioritet isə insan həyatını xilas etmək və alovları söndürməkdir.

Yaxın günlərdə yeni isti hava dalğasının gözlənildiyini xatırladan Sançes vətəndaşları ehtiyatlı olmağa çağırıb.

Sançes həmçinin iqlim fövqəladə vəziyyətinə qarşı dövlət paktının yaradılmasının vacibliyini bir daha vurğulayaraq, İspaniya hökumətinin yanğınlardan zərər çəkmiş bölgələrin bərpasına dəstəyini davam etdirəcəyini bildirib.