Azərbaycan News Agency

İspaniyanın Baş naziri Pedro Sançes son saatlarda yağan güclü yağışlar səbəbindən Valensiya bölgəsində, xüsusilə Valensiyanın cənub sahillərində və Alikantenin şimalında vəziyyətin mürəkkəbləşdiyini açıqlayıb.

Sançes İspaniyanın Hərbi Fövqəladə Hallar Bölməsinin (UME) fövqəladə hallar qrupları ilə əməkdaşlıq etmək üçün bölgəyə cəlb olunduğunu və çatılması çətin olan ərazilərdə köməksiz vəziyyətdə qalan insanların xilas edilməsi üçün işlərin aparıldığını bildirib.

Sançes bölgə sakinlərini olduqları yerləri tərk etməməyə və binaların yuxarı mərtəbələrində qalmağa çağırıb. O, həmçinin fövqəladə hallarda rəsmi kanallar vasitəsilə yayılan məlumatları izləməyi tövsiyə edərək vətəndaşları ehtiyatlı olmağa səsləyib.