Azərbaycan News Agency

Pakistanın Baş naziri Şahbaz Şərif Pişəvərdə məktəbin damının çökməsi nəticəsində baş verən insan itkiləri ilə bağlı açıqlama verib.

Övladlarını itirən ailələrin və həyatını itirmiş müəllimin yaxınlarının kədərini bölüşdüyünü bildirən Şərif heç bir valideynin belə bir faciə ilə üzləşməməli olduğunu qeyd edərək həlak olanların ailələrinə başsağlığı verib.

Şərif hadisə zamanı xəsarət alanların mümkün olan ən yaxşı tibbi xidmətlə təmin edilməsi üçün göstəriş verdiyini bildirib.

Hadisənin bütün aspektləri üzrə araşdırılacağını qeyd edən Şərif ölkə üzrə məktəblərdə uşaqların təhlükəsizliyini təmin etmək məqsədilə bütün zəruri tədbirlərin görüləcəyini vurğulayıb.