Azərbaycan News Agency

Böyük Britaniyanın Baş naziri Kir Starmer hökumətinin fəaliyyəti və ölkənin iqtisadi istiqaməti ilə bağlı açıqlama verib.

Dəyişikliyin gözlənilən sürətlə baş vermədiyini qeyd edən Starmer deyib: “İnsanların dəyişimin ləng getməsindən məyus olduqlarını bilirəm. Mən də eləyəm. Ölkəmizi yenidən düzgün məcraya salmaq zaman aparacaq, lakin miras aldığımız xaosa baxmayaraq irəliləyiş əldə edirik.”

Mövcud yaxşılaşma əlamətlərinə diqqət çəkən Starmer əlavə edib: “Maaşlar qiymətlərdən daha sürətlə artır. Gözləmə siyahıları azalır. İnflyasiya və faiz dərəcələri aşağı düşür.”

Gələcək dövr üçün vədlərini təkrarlayan Starmer sözlərini belə tamamlayıb: “Bu il Britaniya dönüş nöqtəsinə çatacaq və siz vəd etdiyimiz dəyişiklikləri ödənişlərinizdə, cəmiyyətinizdə və dövlət xidmətlərinizdə hiss etməyə başlayacaqsınız.”