Azərbaycan News Agency

Suriya Prezidenti Ahmed Əş-Şaraa Birləşmiş Millətlər Təşkilatının Baş Assambleyasının 81-ci sessiyasında iştirak etmək üçün Nyu-Yorka səfəri çərçivəsində Amerika Birləşmiş Ştatlarındakı (ABŞ) Suriya diasporunun nümayəndə heyətini qəbul edib.

Suriya Prezident Administrasiyasının açıqlamasına görə, görüşdə xarici işlər və xaricdəki suriyalılar naziri Asaad Əş-Şeybani, fövqəladə hallar və fəlakətlərin idarə olunması naziri Raed Əs-Saleh, eləcə də çox sayda rəsmi şəxs iştirak edib.

Görüşdə Suriyadakı son hadisələr, son dövrdə əldə olunan mühüm nailiyyətlər, eləcə də yenidənqurma və bərpa prosesi müzakirə olunub. Əş-Şaraa həmçinin iştirakçıların müxtəlif məsələlərlə bağlı fikir və təkliflərini dinləyib.

Suriya diasporunun Suriya-ABŞ münasibətlərinin gücləndirilməsi və inkişafındakı rolunun əhəmiyyətini vurğulayan Əş-Şaraa xaricdə yaşayan suriyalıların təcrübə və biliklərindən yararlanmağın, həmçinin onların yenidənqurma və inkişaf işlərinə töhfə verməsinin vacibliyinə diqqət çəkib.