Azərbaycan News Agency

Tanzaniya Xarici İşlər Nazirliyinin açıqlamasına görə, Ankaradakı Tanzaniya Səfirliyi, Türk Əməkdaşlıq və Koordinasiya Agentliyi (TİKA) və “Can Veren Eller” təşkilatının əməkdaşlığı ilə həyata keçirilən proqram çərçivəsində türk mütəxəssislər Benjamin Mkapa Xəstəxanasının həkimləri ilə birlikdə fəaliyyət göstərirlər.

Proqram çərçivəsində qabaqcıl səhiyyə xidmətləri göstərilir, minimal invaziv cərrahi əməliyyatlar həyata keçirilir, həmçinin səhiyyə mütəxəssisləri arasında bilik və təcrübə mübadiləsi aparılır. Proqramın Tanzaniya ilə Türkiyə arasında səhiyyə, texnologiya və peşə bacarıqları sahələrində əməkdaşlığı gücləndirməsi hədəflənir.