Azərbaycan News Agency

CCTV-nin xəbərinə görə, ABŞ Prezidenti Donald Trampın İsrailin Baş naziri Benyamin Netanyahu ilə telefon danışığı zamanı İsraildəki parlament seçkilərindən sonra Qəzza sülh planının həyata keçirilməsini tələb etdiyi iddia olunub.

Axios-un mənbələrinə istinadən yaydığı xəbərə görə, HƏMAS-ın tərksilah edilməsini və Qəzzanın hərbsizləşdirilməsini nəzərdə tutan plan İsraildəki seçkilər səbəbindən aylardır təxirə salınıb.

Netanyahunun xahişi ilə keçirildiyi bildirilən telefon danışığında ABŞ-nin dövlət katibi Marko Rubio və ABŞ-nin xüsusi nümayəndəsi Stiv Uitkoff da iştirak edib. Görüş zamanı İranla yaşanan münaqişə də müzakirə olunub.

ABŞ rəsmisi Vaşinqton administrasiyasının Qəzza sülh planının İsrailin maraqlarına uyğun olduğunu düşündüyünü bildirərək İsrail hökumətindən planın həyata keçirilməsi üçün tam əməkdaşlıq gözlədiklərini ifadə edib.