Azərbaycan News Agency

Estoniyanın xarici işlər naziri Marqus Tsahkna Rusiyanın Ukraynadakı təcavüzü və regionda son inkişaflarla bağlı açıqlama verib.

Rusiya Prezidenti Putinin son diplomatik addımlardan narahatlığına toxunan Tsahkna deyib: “Avropa, Ukrayna və ABŞ-ın təhlükəsizlik təminatlarını inkişaf etdirməyə yönəlmiş son addımları, Venesueladakı proseslərlə birlikdə Putini narahat edib. Rusiyanın cavabı Ukraynaya qarşı hava terroru oldu; mülki şəxslər öldürüldü və minlərlə insan qışın ortasında istilik, elektrik və sudan məhrum edildi.”

Hücumlarda istifadə olunan sursatın təxribatçı xarakterinə diqqət çəkən Tsahkna əlavə edib: “Rusiya həmçinin Avropa İttifaqı və NATO sərhədlərinə yaxın bir ərazidə qəsdən təxribat xarakterli hücumda bir daha orta mənzilli ballistik ‘Oreşnik’ raketindən istifadə etdi.”

Beynəlxalq ictimaiyyətin atmalı olduğu addımları vurğulayan nazir Tsahkna açıqlamasını belə yekunlaşdırıb: “Yeganə nəticə var. Rusiyanın istiqamətini dəyişmək üçün beynəlxalq siyasi və iqtisadi təzyiq maksimum səviyyəyə çatdırılmalı və dözülməz hala gətirilməlidir.”