Azərbaycan News Agency

Qətər Xarici İşlər Nazirliyinin Baş katibi Dr. Ahmed bin Hassan Al Hammadi xəbər və yeniliklərin bir neçə dildə izlənilməsini təmin edəcək “Sard” platformasının açılışını edib.

Nazirliyin açıqlamasında platformanın müxtəlif dillərdə xəbərləri, yenilikləri və rəqəmsal platformalarda yayımlanan məzmunları izləmək üçün istifadə ediləcəyi bildirilib.

Sard platformasının yeniliklərin izlənməsi və təhlilini gücləndirəcəyi, nazirlik əməkdaşlarının müvafiq məlumat və verilərə çıxışını dəstəkləyəcəyi qeyd olunub.

Açıqlamada platformanın istifadəyə verilməsinin Qətər Xarici İşlər Nazirliyinin gündəlik fəaliyyətində süni intellekt dəstəkli texnologiyalardan istifadə planının bir hissəsi olduğu bildirilib. Sistemin nazirliyin bölmələri ilə yanaşı, xaricdəki diplomatik nümayəndəliklərdə də istifadəsi planlaşdırılır.