Azərbaycan News Agency

Estoniyanın xarici işlər naziri Margus Tsahkna Rusiyanın Ukrayna boyunca həyata keçirdiyi PUA hücumları ilə bağlı açıqlama verib.

Tsahkna hücumların xüsusilə Myla kəndində ağır nəticələrə səbəb olduğunu bildirərək, Rusiyaya təzyiqin artırılmasına və Ukraynaya dəstəyin davam etdirilməsinə çağırıb.

Tsahkna sosial media hesabında etdiyi paylaşımda Rusiya PUA-larının Ukrayna boyunca daha bir gecə ərzində hücumlar həyata keçirdiyini bildirib.

Myla kəndinin hücumlarda ən ağır zərbələrdən birini aldığını bildirən Tsahkna Rusiya PUA-larının kritik infrastrukturla yanaşı anbarları, yaşayış binalarını və qocalar evlərini də hədəf aldığını deyib.

Tsahkna hücumlar nəticəsində 27 nəfərin həyatını itirdiyini bildirib. Odesa, Dnipro və Kiyevin də hədəf alınan bölgələr arasında olduğunu deyən Tsahkna bir gecə ərzində 260-dan çox hücum PUA-sından istifadə edildiyini qeyd edib.

Tsahkna Rusiyanın hücumlarının məqsədinin terror və dağıntı olduğunu bildirərək, son dövrdə kritik infrastruktura hücumların təkrarlandığına diqqət çəkib.

Tsahkna bu həftə kritik infrastruktura edilən hücumları ukraynalıları qışdan əvvəl “soyuqda, ac və qaranlıqda qoymaq üçün hesablanmış bir cəhd” kimi qiymətləndirib.

Tsahkna Rusiyanın bu planının uğursuz olmalı olduğunu bildirərək, Moskva üzərində beynəlxalq təzyiqin artırılmasına çağırıb.

Tsahkna Rusiyaya qarşı daha sərt sanksiyaların tətbiq edilməli, beynəlxalq təcridin dərinləşdirilməli və heç bir güzəştə gedilməməli olduğunu bildirərək deyib: “Rusiyaya təzyiq artmalıdır – daha sərt sanksiyalar, daha dərin beynəlxalq təcrid, sıfır güzəşt.”

Tsahkna həmçinin Ukraynaya beynəlxalq dəstəyin güclü və fasiləsiz şəkildə davam etdirilməli olduğunu vurğulayaraq deyib: “Ukraynaya dəstək dəmir kimi möhkəm qalmalı və hər bir yardım istiqamətində davamlı olmalıdır.”