Tsahkna: Süni intellektdən necə istifadə etdiyimiz vacibdir
Tallinn, 5 noyabr (Hibya) – Estoniyanın xarici işlər naziri Marqus Tsahkna 2026-cı il Tallinn Sammiti çərçivəsində İqtisadi Əməkdaşlıq və İnkişaf Təşkilatının (OECD) Baş katibi Matias Korman ilə görüşüb. Görüşdə təhsil və innovasiya sahələrində əməkdaşlıq, Ukraynaya dəstək, eləcə də süni intellektin dövlət xidmətlərində və biznesdə tətbiqi müzakirə olunub.
Estoniyanın xarici işlər naziri Marqus Tsahkna 2026-cı il Tallinn Sammiti çərçivəsində İqtisadi Əməkdaşlıq və İnkişaf Təşkilatının (OECD) Baş katibi Matias Korman ilə görüşüb.
Görüşü şərh edən Tsahkna bildirib: “Təhsil və innovasiya sahələrində əməkdaşlığımızı, Ukraynaya dəstəyi və süni intellektin dövlət xidmətlərində və biznes mühitində tətbiqini müzakirə etdik”.
Estoniyanın rəqəmsal dövlət idarəçiliyi sahəsində qabaqcıl mövqeyə malik olduğunu qeyd edən Tsahkna ölkəsinin indi süni intellekt sahəsində də eyni uğuru qazanmağı hədəflədiyini vurğulayıb. “Əsas məsələ texnologiyanın özü deyil, ondan necə istifadə etməyimizdir”, – deyə o bildirib. Tsahkna həmçinin 2026-cı il Tallinn Sammitinin uğurlu başladığını qeyd edib.
Azərbaycan İnformasiya Agentliyi
Facebook
Tweeter
Whatsapp
