Azərbaycan News Agency

Ukraynanın xarici işlər naziri Andriy Sıbiha G7 Xarici İşlər Nazirləri Toplantısı çərçivəsində fransalı həmkarı Jan-Noel Barro ilə bir araya gəlib. Sıbiha toplantıya ev sahibliyi etdiyinə və gündəlikdə Ukraynaya xüsusi yer ayırdığına görə Barroya təşəkkür edib.

Görüşdə cəbhədəki vəziyyətin, sülh səylərinin və beynəlxalq hadisələrin müzakirə olunduğunu bildirən Sıbiha enerji dayanıqlığının, müdafiə dəstəyinin və Rusiyaya qarşı sanksiyaların da nəzərdən keçirildiyini qeyd edib.

Ukraynanın qış dövründə enerji təhlükəsizliyinin təmin edilməsinə yönəlmiş dəstəyin əhəmiyyətini vurğulayan Sıbiha hava hücumundan müdafiənin gücləndirilməsi üçün beynəlxalq koordinasiyanın davam etdirilməsini gözlədiklərini bildirib.