Azərbaycan News Agency

ÜST-nin açıqlamasında bildirilir ki, dünyada 1 milyarddan çox insan piylənmə ilə yaşayır və bu sayın 2030-cu ilə qədər ikiqat artacağı proqnozlaşdırılır.

Təşkilatın böyüklərdə piylənmənin müalicəsi üçün GLP-1 dərmanlarının istifadəsinə dair yeni tövsiyələr yayımladığı qeyd edilərək bildirilib ki, bu dərmanlar güclü vasitədir, lakin tək bir dərman qlobal piylənmə böhranını həll edə bilməz.

Açıqlamada vurğulanıb ki, piylənmə genişmiqyaslı, ömürboyu qayğı və müxtəlif sahələrdə koordinasiyalı fəaliyyət tələb edən mürəkkəb bir xəstəlikdir: “GLP-1 dərmanları dünya üzrə milyonlarla insana ümid verir və onlara ehtiyacı olan hər kəs üçün bərabər əlçatanlıq təmin edilməlidir.”