Azərbaycan News Agency

Avropa Komissiyasının sədri Ursula von der Leyen Avropanın müdafiə sahəsində beş böyük birgə layihə ilə irəlilədiyini bildirib.

Von der Leyen sosial media hesabında paylaşdığı açıqlamada layihələrin pilotsuz uçuş aparatları, hava hücumundan müdafiə, kosmos, dəniz təhlükəsizliyi və Avropanın şərq cinahının təhlükəsizliyi sahələrinə yönəldiyini qeyd edib.

Von der Leyen bu sahələrin Avropanın təhlükəsizliyi baxımından həyati əhəmiyyət daşıdığını və sürətlə hərəkət etməyin vacib olduğunu bildirərək deyib: “Birlikdə ambisiyanı fəaliyyətə çeviririk. Daha güclü, daha təhlükəsiz Avropa üçün”.