Azərbaycan News Agency

Ukrayna Prezidenti Volodimir Zelenski Rusiyanın Ukrayna Elmlər Akademiyasının binasına hücumundan sonra xilasetmə işlərinin davam etdiyini bildirib.

Zelenski binada ola biləcək şəxslərin axtarıldığını və yanğının söndürülməsi istiqamətində işlərin davam etdiyini qeyd edib.

Bütün xidmət bölmələrinin əraziyə göndərildiyini bildirən Zelenski Kiyevdə bir əczaçılıq şirkəti və yanacaqdoldurma məntəqələrinin, Dniproda isə bir biznes mərkəzinin hədəfə alındığını deyib.

Zelenski digər şəhər və bölgələrdə də mülki obyektlərin, müəssisələrin və rabitə infrastrukturunun vurulduğunu bildirib, hücumlarda ölənlərin olduğunu qeyd edərək həyatını itirənlərin yaxınlarına başsağlığı verib.

Zelenski “Buna görə Rusiyaya mütləq cavab veriləcək” deyərək Ukraynanın tərəfdaşlarının ölkəyə göstərilən dəstəyin insanların həyatını qorumağa və terrorun normallaşmasının qarşısını almağa yönəldiyini görməli olduqlarını bildirib.

Zelenski Rusiyanın baş verənlərə görə məsuliyyət daşımalı olduğunu vurğulayaraq Ukraynaya yardım edənlərə təşəkkür edib.