Azərbaycan News Agency

Xorvatiyanın xarici işlər naziri Gordan Grlic Radman ABŞ-Adriatik Xartiyasına (A5) 2026-cı il sədrliyi çərçivəsində Birləşmiş Millətlər Təşkilatının (BMT) Baş Assambleyasının 81-ci sessiyasının kuluarlarında keçirilən görüşə ev sahibliyi edib.

Xorvatiya Xarici İşlər Nazirliyinin açıqlamasına görə, "Dayanıqlılığın gücləndirilməsi: Enerji təhlükəsizliyi və hibrid təhdidlər" adlı görüşdə enerji mənbələrinin şaxələndirilməsi, kritik infrastrukturun qorunması və təhlükəsiz, etibarlı enerji təchizatı marşrutlarının yaradılması müzakirə olunub.

Görüşlərdə həmçinin regional dayanıqlılığın gücləndirilməsi məsələləri nəzərdən keçirilib, Xorvatiya isə Cənub-Şərqi Avropanın sabitliyinin təmin edilməsində güclü regional əməkdaşlığın və ABŞ-ın davamlı strateji rolunun əhəmiyyətinə diqqət çəkib.