Azərbaycan News Agency

Xorvatiyanın Xarici və Avropa İşləri Nazirliyi Trogirdə keçirilən MED9 toplantısının başa çatdığını bildirib.

Nazirliyin açıqlamasına görə, Avropa məsələləri üzrə nazirlər və dövlət katibləri Avropanın strateji prioritetləri, Avropa İttifaqının gələcək büdcəsi, Aralıq dənizində əməkdaşlıq və genişlənmənin təhlükəsizlik aspekti ilə bağlı fikir mübadiləsi aparıblar.

Toplantının oktyabrın 7-də Splitdə Baş nazir Andrej Plenkovic-in sədrliyi ilə keçiriləcək MED9 Sammitindən əvvəl son nazirlər toplantısı olduğu bildirilib. Sammitdə MED9-a üzv doqquz ölkənin liderlərinin bir araya gələcəyi gözlənilir.