Azərbaycan News Agency

Niderlandın müdafiə naziri Dilan Yeşilgöz-Zegerius ordunun modernləşdirilməsi prosesi, texnoloji investisiyalar və Ukrayna ilə müdafiə sahəsində əməkdaşlıq barədə açıqlama verib.

Silahlı qüvvələrin inkişaf strategiyasına toxunan Yeşilgöz-Zegerius deyib: "Biz sürətlə böyüyən, eyni zamanda daha ağıllı, daha sürətli və daha texnoloji silahlı qüvvələr qururuq. Pilotsuz sistemlərə böyük sərmayələr yatırırıq."

Pilotsuz texnologiyalar sahəsində təcrübə mübadiləsini vurğulayan Yeşilgöz-Zegerius bildirib: "Ukraynanın bu sahədə artıq geniş təcrübəsi var və əməkdaşlığımız sayəsində biz də bu təcrübəni əldə edirik."